»-(¯`v´¯)-» (noura) »-(¯`v´¯)-»

أهلا وسهلا بكم في منتديات نورا حياكم الله !!!!!
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 ودي أموت..اليوم واعيش باكر..واشوف منهو..بعد موتي فقدني..!!<<<<<

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق الأحمر...
Admin


عدد المساهمات : 54
تاريخ التسجيل : 16/04/2008

مُساهمةموضوع: ودي أموت..اليوم واعيش باكر..واشوف منهو..بعد موتي فقدني..!!<<<<<   الأحد أبريل 27, 2008 2:26 am

ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي

ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي

ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت
وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي

عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!

( شاعـر) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فهوود زعبيل
عضو حبوب
عضو حبوب


عدد المساهمات : 57
تاريخ التسجيل : 18/04/2008

مُساهمةموضوع: رد: ودي أموت..اليوم واعيش باكر..واشوف منهو..بعد موتي فقدني..!!<<<<<   الإثنين أبريل 28, 2008 1:12 am

صح لسانك ع الكلمات الحلوه

تقبل مروري
نترقب يديدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الأحمر...
Admin


عدد المساهمات : 54
تاريخ التسجيل : 16/04/2008

مُساهمةموضوع: رد: ودي أموت..اليوم واعيش باكر..واشوف منهو..بعد موتي فقدني..!!<<<<<   الإثنين أبريل 28, 2008 4:22 am

تسلم الغالي
وبتشوف اليديد انشاء الله
مع تحياتي
اخوك
((عاشق الأحمر...))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ودي أموت..اليوم واعيش باكر..واشوف منهو..بعد موتي فقدني..!!<<<<<
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
»-(¯`v´¯)-» (noura) »-(¯`v´¯)-» :: المنتديات الادبية :: الشعر والقصائد-
انتقل الى: